Obutumwa bw'okusaasira ahabw'okufa kwa Dr. Rukia kuruga ah'irwariro rya Mbarara Regional Referral Hospital

Omushaho wa Mbarara Regional Referral Hospital yashangwa afeereire omunju

N’ebya Elias Aineamaani

Omushaho ah’eirwariro erikuru erya Mbarara regional referral akasheeshe k’eriizooba yashangwa afeereire omunju omuri Kiswahil Cell, omu rurembo Mbarara.

Omushaho ogu yamanywa nka Dr. Rukia Abura ow’emyaka 30, okuruga omu disiturikiti ya Lira kandi abaire naashoma Master’s Degree omu  Anesthesia ninga shi Okusirisa ah’eitendekyero rya Mbarara University of Science and Technology.

Nikigambwa ngu omushaho ogu Dr. Rukia Abura yaafa akasheeshe k’eriizooba obu yaaba nayetebeekanisa kuza aha murimo.

Dr. Celestine Barigye, mukuru w’eirwariro rya Mbarara Regional Referral Hospital, nagamba ngu abashaho bataahi be baamutegyereza kuza aha murimo yaabura, nikwo kumuteerera esimu eyakwatwa omuntu ondiijo muntu kandi owaabagira ngu Rukia ari omumbeera mbi, ahi baaza kuhikirayo baashanga yaafiire.

Dr. Barigye naagira ngu yaaragiira abashaho okukyebera omubiri gwe okumanya ekyamwita.

Poriisi etaabaasa kugira eki yagamba yaahika omu omukyombeko eki abaire natuura nikwo kutwara omubiri gwe ah’irwariro erikuru rya Mbarara ahi abaire naakora obwo okucondooza kurikugyenda omumaisho.

#WestUpdates