Elly Maate, Omugambirizi wa Pooriisi ahabw'ekyanga ekya Kigezi.

N’ebya Omushaki weitu

KISORO

Pooriisi omuri Chanika omu disiturikiti ya Kisoro eriyo nehiiga abakundaine babiri ahabw’okugambwa kuba bateire omwojo w’emyaka 15 bakamwita barikumutura okukoresa kamina yaabo.

Pooriisi eyigwireho omushango gw’okwita okurugiriire omu kuteera ahari Amos Niyonzima hamwe n’omukazi we, Mackline Nyirangorore ahabw’okuteera Gilbert Niyiduha bakamwita.

Nikigambwa ngu omugyenzi ataahire omu maka ga Niyonzima kweshemereza omuri kamina ye. 

Beitu hoona, ogu aizire yareebwa omukazi Nyirangorore omanyiiseho omushaija we batyo bakeeta abashaija abandi abaizire bakamukingiirana omuri kamina na bwanyima bakamwihamu bakamuteera bakasiga bamukora kubi.

Elly Maate, Omugambirizi wa Pooriisi ahabw’ekyanga ekya Kigezi naagira ngu bwanyima y’okumuteera, Niyiduha airukangiziibwe ah’eirwariro erya Claresenga ahi aizire akafeera.

Maate naagira ngu bariyo nibahiiga abakundaine babiri aba obwo okucondooza kurikugyenda omu maisho.

#WestUpdates