Omunyarwanda akwateirwe okutoroboza omuhara- Rukiga.

N’ebya Omushaki weitu

RUKIGA

Pooriisi omu disiturikiti eya Rukiga ekwatsire omunyarwanda ahabw’okugambwa kuba atoroboize omuhara ou orikwezaarira w’emyaka 6.

Fosta Twizemana, omuriisa ow’omu kyaro kya Kayebe omu gomborora eya Kamwezi omuri Rukiga nagambwa kuba akozire omushango ogu aharwakataano rwa wiiki ehwaire omu faamu ahi abaire arisiize ente. 

Nikigambwa ngu Twizemana agiire omu faamu n’omukazi we Veneranda Bagirente, 40, n’abaana baabo babiri, omwe w’emyaka 2 ondaijo w’emyaka 6.

Ku bahikire aha faamu, Twizemana yayeta abaana kumushanga ahu abaire ari kuruga ahi nyinabo abaire ahingire. 

Ku bahikireho, Twizemana yagaruzayo ow’emyaka 3 nikwo kubyama n’ow’emyaka 6. 

Elly Maate, Omugambirizi wa Pooriisi ahabw’ekyanga ekya Kigezi najumirira ekikorwa eki arikwongyeraho ngu okucondooza kuriyo nikugyenda omu maisho kandi Twizemana naija kutwarwa omu kooti ejunaanwe.

#WestUpdates