Abantu 2 baafa bwanyima y'okubandaamirirwa ebitengure omuri Kabale. PHOTO by Charles Etukuri.

N’ebya Annita Matsika

KABALE

Pooriisi yaagira ngua abantu 2 baitsirwe ebitengure omu kyaro kya Rwamacumu omu gomborora eya Kamuganguzi omu disiturikiti eya Kabale.

Omugambirizi wa Pooriisi ahabw’ekyanga ekya Kigezi, Elly Maate naagira ngu eki kyabaho shaaha nka 9:00 z’akasheeshe k’orwakabiri ebiro 29.10.2024 omu kyaro kya Rwamacumu.

Maate naagamba abaafa nka Charles Tayebwa, omukozi w’emirimo ya riija-riija kandi omutuura wa Rwamamucu hamwe n’ondiijo owamanywaho erya Bosco enzaarwa ya Rwanda.

Nikigambwa ngu Orwakabiri shaaha nka 9:00 z’ekiro, eitaka ryabandaamirira enju ya Aggrey Rukundo nikwo kuziikiramu abantu 2 abaaba barimu babyami kandi bafeeraho,” Maate arikushoborora.

Maate naagira ngu ceeyamaani w’ekyaro Abraham Nuwagaba amanyise Pooriisi nikwo kwija ekatwara emitumbi. 

Maate yaagira ngu emitumbi yabagyenzi yakyeberwa kandi yaheebwa abanyabuzaare kutebeekanisa eby’okuziika.

Kabale, erikushangwa omu kyanga ekya Kigezi ni kimwe aha byanga ebirikukira kuteeganisibwa ebitengure. 

Ebyanga ebindi ebirikukira kuteeganisibwa ebitengure n’ekya Rwenzori na Mt. Elgon.

#WestUpdates