Omwe afeereire omuri butandu omuri Nwoya..(Photo by Saidi Engola)

Omwe afeereire omuri butandu bwanyima ya baasi kutomera enjojo

N’ebya Jackson Kitara 
 
Omuntu omwe afiire kandi 12 batunga obuhuta omu butandu ebaire ahanguuto nyeigyendwa eya Karuma-Pakwach.

Denis Tokuru, 25, afeereireho bwanyima ya baasi ei abaire natamburiramu n’abandi bashabazi ababaire nibaruga Kampala kuza Yumbe kutomera enjojo batakagwire omu kiina.

Baasi ya kampuni ya Baby Coach namba UBB 584K etomeire enjojo ahari shaaha 1 z’omwabazyo gw’Orwakabiri haihi na Karuma junction omu eirindiro rw’enyamaishwa erya Murchison Falls National Game Park omu disiturikiti ya Nwoya.

Baasi ya Baby Coach etomeire enjojo nikwo kugwa omu kiina..

Omugambirizi wa pooriisi ahabw’ekyanga ekya Aswa, David Mudong Ongom yaagira ngu dureeva agyerizeho kweshara guruupu y’enjojo beitu atomeire emwe nikwo kugwa omu kiina.

Abatungire obuhuta harimu Najib Kivumbi, Morris Bayo, William Oroch, Hellen Ayikoru na Margaret Nyuta.

Abandi ni Charity Onyungrwo, Santos Komakech, Jude Komakeck, Paska Achieng, Doreen Munguchi na Razak Abdallah.

Pooriisi ehikire ahamwanya ogu nikwo kucungura abahutaire bakatwara ah’eirwariro erya RG Hospital Karuma n’agandi agari haihi kandi omubiri gw’ofiire gubaire gukikwatire ahansi ya baasi.

#WestUpdates