Emiti y'ebihingwa by'emiringo etari emwe n'emwe eyaahikire ahakishaayi Kololo Independence Grounds omumworeko gwa Harvest Money Expo 2024. PHOTO: MPALANYI SSENTONGO

N'ebya Andrew Tushabe

Omworeko gw'eby'obuhingi n'obuhingi n'oburiisa omu Uganda ogwa Harvest Money Expo ogw'omwaka 2024 niguburayo eshaaha nkye munonga gukatandika omururembo Kampala ahari Kololo Independence Grounds.

Bimwe ahabyoma by'okuhingisa ebyahikire ahakishaayi Kololo omumworeko gwa Harvest Money Expo 2024. PHOTO: MPALANYI SSENTONGO

Omwaka ogu, omuworeko nigwija kuba gwine ekigyendererwa ky'okwega n'okumanya ahamiringo y'okubiikamu amashaaruura hamwe n'okuhangaho ebintu bisya kubaasa kutungamu sente.

Ekicweka eky'ebihingwa kirimu emiti y'emiringo etari emwe n'emwe erikwija kuba neyorekwa ahamowreko gwa Harvest Money. PHOTO: MPALANYI SSENTONGO

Omworeko ogu nigushagikwa ekitebe kikuru omu ihanga ekya Budaaki kandi abandi ni National Agricultural Advisory Services, Minisitry of Agriculture, Animal Husbandry and Fisheries, Tunga Nutrition, Engineering Solutions (ENGSOL), Techno Serve, Uganda Investment Authority, Uganda Warehouse Receipt System Authority, KOICA-K-ABIC, dfcu Bank, Private Sector Foundation Uganda, AKVO International, Pepsi na State House Uganda.

Bamwe ahabakugu omuby'obuhingi n'oburiisa abaahikire ahakishaayi Kololo Independence Grounds omumworeko gwa Harvest Money Expo 2024. PHOTO: MPALANYI SSENTONGO

Okutaaha omumworeko ogu noija kuba noshashusha shiringi 10,000 buri izooba reeru oyereebere ebintu ebi abakugu bareetsire kuhingisa eby'omutindo kandi ebiri ahamurembe. 

Beitu nihaija kuba hariho n'emishomo ei abaraabe bari omumworeko barikwija kuzamu kandi okuza omumushomo noshashura 10,000 reeru orugayo oyegire empinga hamwe n'endiisa ya hati, nyensya hamwe n'oku orikubaasa kukora amagoba omumirimo yaawe.

Omworeko ogu nigwija kutandika nyencakare Orwakataano 23.02.2024 shaaha 2 z'akasheeshe kandi guhwe aha Sande ebiro 25.02.2024.

#WestUpdates