Omugambirizi wa Pooriisi, Kituuma Rusoke naagira ngu Tabula akwatsirwe ekitongore ky’obwambega omuri Kimelika-Namulonge-Busukuma omu disiturikiti eya Wakiso.

N’ebya Charles Etukuri

Lujja Bbosa Tabula, orikuteekateekwaho omukuru omu kwita Mukuru w’ekika kya Endiga, Eng Daniel Bbosa akwatsirwe.

Omugambirizi wa Pooriisi, Kituuma Rusoke omu kihandiiko eki ashohoize Orw’okubanza ebiro 19.08.2024 naagira ngu Tabula akwatsirwe ekitongore ky’obwambega omuri Kimelika-Namulonge-Busukuma omu disiturikiti eya Wakiso.

" Ninyenda kuhamya okukwatwa kwa Lujja Bbosa Tabula. Ahitugiire kuhandiikira amakuru aga, nabwo Tabula abaire nayendwa ahabw’okugira akakwate n’obuhanga bw’emitwe y’abantu obushangirwe omu maka gye omuri Mpigi,” Rusoke arikushoborora.

Tabula atwire nahiigwa kumara ameezi 6 nk’orikuteekateekwaho bwanyima y’okwitwa kwa Eng. Bbosa, 72, aha biro 25.02.2024 omuri Kikandwa, Lungujja omuri Rubaga Divijoni obu yabaire arihakye kuhika omu makagye.

Okukwatwa kwa Tabula nabwo nikwijaho omu bwire obu obuhanga 17 bw’emitwe y’abantu bushangirwe omu kaju aku Tabula arikukoreramu obufumu omuri Mpigi aha kutandika k’okwezi.

Abantu babiri abarikugambwa kuba baapangisiibwe Tabula bakakwatwa ekikunga musisa ky’abantu kandi omwe bakamwitiraho, ondaijo (Noah Lujja) akaija kutambirwa Pooriisi kandi obwa hati n’omwe aha bantu 5 abakwatsirwe ahabw’okugira akakwate n’okwitwa kwa Eng. Bbosa.

Owabaire ari omugambirizi wa Pooriisi, Fred Enanga omu kwezi kwa 5, 2024, akagira ngu Pooriisi ekataho shiringi miriyooni 20 aha muntu weena oraheerezeyo amakuru agahikire agakubaasa kureetera Tabula yakwatwa.

#WestUpdates