Bamwe omubahangu abari omuruteerane rwa Social Entrepreneurs ori omuri Kagadi ahari African Rural University. PHOTO: Thomas Tumwebaze

N'ebya Thomas Tumwebaze, KAGADI

Abahangu 16 omuby’emishuuburo, ninga shi Social Entrepreneurs kuruga omu mahanga 7 bariyo nibeejumba omuruteerane rw’amahanga okutaho engyenderwaho erikukwata ahaby’obuhingi, eby’okurya, eby’amagara hamwe n’eby’obuhangwa omu nsi yoona.

Abahangu aba nibaruga omumahanga nka Uganda, Malawi, Kenya, Tanzania, Zambia, United States of America na Rwanda kandi bari omu Uganda okumara ebiro 2.

Abahangu omuruteerane oru, nibahaajaana ahandya nungi, amaizi marungi, eitaka rirungi eby’obuhangwa embeera y’ensi, eby’enzaarwa n’entunguuka erikwebemberwa abakazi n’eminyeto.

Aba bari ahakitebe ekikuru ekya Uganda Rural Development and Training Program na African Rural University omu disiturikiti ya Kagadi

Oruteerane oru rwaba orw’okubanza omu Uganda kandi niruza kutaho enkora y’okushagika abantu ba buriijo abari omukuhinga ninga shi ‘small scale farmers’.

#WestUpdates