Ow’emyaka 19 aitsire nyin’enkuru omuri Katakwi.

N’ebya Omushaki weitu

KATAKWI

Pooriisi omu disiturikiti eya Katakwi ekwatsire omwojo w’emyaka 19 ahabw’okugambwa kuba ateire nyin’enkuru w’emyaka 83 akamwita.

Joseph Omodo orikugambwa kuba abaire asinzire nagambwa kuba atandiikire kuteera ishe ou ajunaanire okumuhababira aha Pooriisi ahabw’okugambwa kuba nanywa enjaayi n’amairungi oteireho n’okugira emicwe mibi.

Damalie Nachuha, Omuduumizi wa Pooriisi ahabw’ekyanga ekya Kyoga East naagira ngu Modo ekiniga akitiire ahari nyin’enkuru omanyirwe nka Phoebe Acumude obaire aizire kubaramura we n’ishe nikwo kumuteera enkoni.

Nachuha nayongyeraho ngu Acumude afiire arikutwarwa ah’eirwariro.

#WestUpdates