Ow’emyaka 27 aitsirwe omuri Hoima.

N’ebya Omushaki weitu

HOIMA

Pooriisi omu rurembo orwa Hoima eriyo necondooza nk’oku omushaija w’emyaka 27 aitsirwemu omu kyaro ekya Kiryatete East Cell omuri Hoima East Divijoni omu rurembo orwa Hoima.

Omugyenzi amanyirwe nka Joel Tumwesige, otwire nakora omurimo aharuguuto orwa Mugabi haihi na Freedom bar omuri Hoima Central.

Julius Allan Hakiza, Omugambirizi wa Pooriisi ahabw’ekyanga ekya Mwitanzigye nashoboorora ngu abainazi abatakamanyirwe bacumitsire omugyenzi omusyo gw’omukifuba ogumwitiireho nikwo kunaga omutumbi gwe aharuguuto orwa Bad Street omu kicweka nikyo kimwe.

Francis Byamukama, Defense secretary ahabw’ekyaro ekya Kiryatete East Cell nashaba kuhabaho okwongyera amaani omukukora za potoro z’ekiro omu kyaro ahabw’okwenda kwerinda ebikorwa by’obwinazi nk’ebi.

#WestUpdates