Amonga naagira ngu bwanyima y’okushoma embaririra y’eihanga, orushutamo rw’okubanza rwa Paramenti, nirwija kuba omuri Gulu na bwanyima beyongyerayo omu byanga ebindi. Courtesy Photo.

N’ebya Dedan Kimathi na Mary Karugaba

Siipika wa Paramenti, Anita Annet Among arangiirire enteekateeka z’okushutamisa enkiiko za Paramenti omu byanga bitari bimwe omu Uganda.

Among nakyoreka ngu omu kyanga ekya Burugwa-Izooba (Eastern), orushutamo rwa Paramenti nirwija kuba ahari Mbale Industrial Divijoni, omuri Central, nibeija kushutama omuri Masaka, omuri Burengyerwa-Izooba (Western), orushutamo rwa Paramenti nirwija kuba omuri Mbarara kandi omuri Bukizi bwa Bumosho bwa Uganda (Northern), Paramenti neija kushutama ahari Gulu Lukiiko Hall.

Amonga naagira ngu bwanyima y’okushoma embaririra y’eihanga, orushutamo rw’okubanza rwa Paramenti, nirwija kuba omuri Gulu na bwanyima beyongyerayo omu byanga ebindi.

Siipika agambire ebi obwabaire akuriire orushutamo rwa Paramenti Orwakana ebiro 16/05/2024. 

Eki kizireho bwanyima y’okushwijuma omu kihandiiko ky’embaririra y’eihanga eya shiringi trillion 72.130. 

Okurugiirira ahari Among, egi niyo nshonga ahabw’enki Paramenti baine kugitwara omu byanga kushoborera abantu aha mbaririra egi n’okuboreka oku Paramenti erikukoramu emirimo yaayo.

Siipika Among agizire ngu abanya-Uganda nibakoma aha kubareeba aha TV barikukiika omu Paramenti kandi ngu tibakatungaga mugisha gw’okubugana abany’ishengyero baabo buntu barikukiika omu Paramenti.

Okurugiirira ahari Among, enteebekanisa egi egyenderiire kutunga ebiteekateeko by’abantu n’okumanya ebizibu ebirikubateganisa omu eihanga. 

Naagira ngu omunshutamo ezi, nibeija kuba nibahandiika enshonga zoona ezirikuteganisa abantu b’omu byanga ebyo kandi nizeija kuganiirwaho ba minisita abarikujunaanizibwa ahanshonga ezo.

#WestUpdates