RDC Carolyn Kashaija naija kutandikira ahi RDC Lilian Ruteraho yakomire. PHOTOs: Thomas Tumwebaze.

N’ebya Thomas Tumwebaze

KAGADI

Disiturikiti ya Kagadi yaatunga RDC omusya, Carolyn Kashaija Muyambi kuza omubigyere bya Lilian Ruteraho owarekwire omurimo kuza kwesimba ahantebe y’omuny’eishengyero-kazi wa Isingiro.

Kashaija yaaba ashendekyereziibwe RDC wa Bunyangabu, Nicolas Kamukama.

Kashaija akabaho omuhwezi wa RDC ahabwa Kibaale, Lyantonde kandi hati abaire ari omuhwezi wa RCC wa Makindye Divijoni, Kampala. 

Naija kutandikira ahi RDC Lilian Ruteraho yakomire kandi yaraganisa abantu ba Kagadi ku arikwija kukoragye emirimo  ye nk’omujwekyerwa wa Purezidenti hamwe n’okuta omunkora puroguraamu za gavumenti.

Kashaija nasiima Purezidenti Museveni ahabw’okumutamu obwesigye kandi akamukuza akamuha obwa RDC arikukyoreka ngu atwire ari omuhwezi wa RDC kumara emyaka 10 omuri za disiturikiti zitari zimwe.

Omukoro ogu guhikirweho Diisi wa Kagadi, Pauline Epodoi, ceeyamaani wa disiturikiti ya Kagadi, Yosia Ndibwami, Omuduumizi wa Pooriisi, Kenneth Ampurira, abanyamakuru n’abandi.

Abeebembezi ba disituriki ya Kagadi abahikire aha mukoro gw'okwakiira RDC omusya Carolyn Kashaija.

Epodoi nashaba RDC omusya okukwatanisa n’abeebembezi ba disiturikiti egi babaase kugitunguura. 

Omu bigambo bye, Ndibwami araganiise okukorera hamwe na RDC omusya okureeba ngu puroguraamu za gavumenti zaateebwagye omunkora.

Benjamin Tumusiime, otwire narinda ofiisi egi atwirwe omu disiturikiti ya Kitagwenda nk’omuhwezi wa RDC.

#WestUpdates