Ab'ekitongore ky'eby'amaizi n'abahangu kuruga Bhutan barikuhaajaana ahahururu y'okurinda eby'obuhangwa omuri Kibaale eriizooba ebiro 02.11.2024. PHOTO: Thomas Tumwebaze

Thomas Tumwebaze, Kibaale.

Ekitongore ky'amaizi n’eby'obuhangwa okurabira omunteekateeka yaakyo eya Least Developed Countries Initiative for Effective Adaptation and Resilience (LIFE-AR) baatandikaho ehururu y’okugaruzaho eby’obuhangwa omu ihanga.

Ehururu egi eya LIFE-AR neeza kuba neekora n’abantu omu byaro byabo okurinda eby’obuhangwa ebikiriho hamwe n’okugaruzaho ebyo ebyasiisirwe.

Scovia Akot, Senior Climate Change Officer omukitongore eki kandi owajwekyera omuhandiiki mukuru naagira ngu abantu bashemereire kutwara ehururu egi nk’enteekateeka erikuza kubahwera hamwe n’ihanga ryona kandi yaashaba abatuura okukorera hamwe okureeba ngu baahindura embeera ei barikutuuramu.

Scovia nagira ngu enteekateeka egi eine obushoboorozi bw’okugaruzaho eby’obuhangwa kandi n’entuura nungi y'abantu omu ihanga.

Scovia Akot ebi yaabigamba obu yaaba ayebembeire abahangu okuruga omw’ihanga rya Bhutan, Asia.

#WestUpdates