Pooriisi necondooza ekirugiirireho okufa kw’omwegi wa S.4 omuri Kasese.

N’ebya Samuel Amanyire

KASESE

Abeegi ah’eishomero erya Bwera SSS omu disiturikiti ya Kasese n’abatuura abeehinguririize eishomero eri bagweriirwe akagwe bwanyima y’omwegi wa S.4 kufa.

Omwegi ogu akozire gye ebigyezo 2 bya UNEB ebibaandize yabihendeera gye nyomwebazyo ebiro 14.10.2024.

Omu kugambaho na mukuru w’eishomero erya Bwera SSS aha simu Yokonia Bwambale, yatugira ngu omugyenzi ni Sulaina Nabasirye.

Bwambale naagira ngu Nabasirye akozire gye ekigyezo kya Mathematics na Chemistry aine amagara marungi kandi agumiizemu yayebembera n’ekigaaniiro kya Biology na bataahi be omu shaaha z’omwebazyo. 

Beitu, hoona Nabasirye aizire yabura kumanya eby’eruguru omu kaire kakye yaheza kubyama aha kitanda kye omu buraaro bw’abeegi.

"Abashaho b’eishomero bamanyisiibwe aha nshonga egi, nikwo kumwirukangiza ah’eirwariro erya Bwera General Hospital ahi afeereire yaheza kuhikibwa,” Bwambale arikushoborora.

Omugambirizi wa Pooriisi ahabw’ekyanga ekya Rwenzori East, Nelson Tumushiime naagira ngu okucondooza kuriyo nikugyenda omu maisho kumanya ekirugiirireho Nabasirye okufa ekitaarariine.

Omugambirizi wa Pooriisi ahabw’ekyanga ekya Rwenzori East, Nelson Tumushiime.

#WestUpdates