Purezidenti Museveni kuhayo orubazo rwe eriizooba omuruteerane rw’amahanga g’ensi yoona omuri UAE.

N’ebya Omushaki weitu

UNITED ARAB EMIRATES

Purezidenti Yoweri Museveni Orwakabiri ebio 14.01.2025 ayetabire ahamukoro gw’okwiguraho Sustainability Week 2025 orw’amahanga g’ensi yoona oruriyo nirugyenda omu maisho omuri Abu Dhabi, United Arab Emirates. 

Purezidenti nabwo ahikire aha mukoro gw’okuhereza ebirabo ogutebeekanisiibwe Purezidenti wa United Arab Emirates, Sheikh Mohamed Bin Zayed Al Nahyan ogubaire ahari Abu Dhabi National Exhibition Centre.

Purezidenti Yoweri Museveni Orwakabiri ebio 14.01.2025 ayetabire ahamukoro gw’okwiguraho Sustainability Week 2025 orw’amahanga g’ensi yoona oruriyo nirugyenda omu maisho omuri Abu Dhabi, United Arab Emirates.

Bamwe omu beebembezi b’omu mahanga g’omu kyanga ekya East Africa barimu Purezidenti William Ruto owa Kenya, Purezidenti Paul Kagame owa Rwanda n’abandi beebembezi kuruga omu mahanga agandi omu nsi yoona.

Purezidenti Yoweri Museveni arikuramukanya na Purezidenti wa United Arab Emirates, Sheikh Mohamed Bin Zayed Al Zahyan omuri Abu Dhabi aharuteerane rwa Sustainability Week 2025 omuri UAE.

Oruteerane orwa Sustainability Week 2025 nirutebeekanisibwa buri mwaka kandi niruheereza amaani Sheikh Mohamad Bin Zayed oine obwebembezi bwokworekwa kureeba ngu amahanga gayebiisaho oteireho n’okutunguura emiturire y’abantu b’omu mahanga aga.

Eishomero erya St. Kizito High School Namugongo ery’omuri Uganda tiribaasize kusinga omu mpaka z’amashomero ezitebeekanisiibwe Purezidenti wa United Arab Emirates omu kyanga ekya Sub Saharan Africa.

Amashomero gabaire nigahayo purogyekiti kandi abeegi babaire nibahayo ebyakubaasa kukorwa kumaraho ebizibu ebirikuteganisa amahanga gatari gamwe.

Purezidenti Museveni eriizooba (15.01.2025) naija kuhayo orubazo rwe ahi arikuza kubagana ebigambo bye n’abeebembezi b’amahanga agandi aharugyendo oru Uganda eraabiremu kubaasa kutunguuka.

#WestUpdates