Purezidenti Museveni asiimirwe ahabw'okutunguura Uganda...(Photo by PPU)

Purezidenti Museveni asiimirwe ahabw’okutunguura Uganda

N’ebya Omushaki Waitu

Ekikoosi kya ba Minisita kuruga omuri South Africa basiimire Purezidenti Yoweri Museveni, ou bagambireho nk’omwebembezi w’omutaano oreetsireho entunguuka omu Uganda.

Tiimu egi ebugaineho Purezidenti nyomwabazyo, bareetsire endamusyo kuruga owa Purezidenti wa South Africa, Cyril Ramaphosa kandi basiimire abeebembezi bombi ahabw’okureetaho enkwatanisa ahagati ya Uganda na South Africa.

Purezidenti Museveni arikugambaho na ba Minisita kuruga South Africa..(Photo by PPU)

Ekigaaniiro eki kikoreirwe omuri Kampala ahari Commonwealth Resort, Munyonyo bwanyima y’okuhendera oruteerane rw’eby’obushuubuzi orw’ebiro 2 oruhikirwemu kampuni 40 kuruga South Africa obwo bebeembeirwe MTN Group erikukurirwa Mr. Mcebisi Hubert Jonas.

Ekikoosi kya ba Minisita kuruga South Africa ababugaineho Purezidenti

Aba bagarukire basiima Purezidenti ahabw’okushagika ekigombe ky’eby’obutegyeki ekya African National Congress.

Aharubaju orwe, Purezidenti Museveni asiimire Purezidenti Cyril Ramaphosa na gavumenti ye ahabw’okwongyera ahankwatanisa y’amahanga gombi.

#WestUpdates