Purezidenti Museveni ateire omukono ahandagaano y’okwombeka ekishaayi ky’enyonyi ekya Kidepo...(Photo by PPU)

Purezidenti Museveni ateire omukono ahandagaano y’okwombeka ekishaayi ky’enyonyi ekya Kidepo

N’ebya Omushaki Waitu

Purezidenti Yoweri Museveni nyomwabazyo akuriire omukoro gw’okuta omukono ahandagaano ahagati ya Gavumenti ya Uganda na United Arab Emirates’ Sharjah Chamber of Commerce and Industry ahari Speke Resort Munyonyo.

Endagaano egi ehandiikirwe ahagati ya Gavumenti ya Uganda kurabira omu Minisiture y’eby’emirimo n’enguuto, Civil Aviation Authority, Minisiture y’eby’oburambuzi na Sharjah Chamber of Commerce and Industry.

H.e Abdallah Sultan Al Owais (c) Chairman Of Sharjah Chamber Of Commerce And Industry In Uae And His Delegation Show President Museveni An Artistic Impression Of Kidepo International Airport. Ppu Photokidep

Omu endagaano egi, Sharjah Chamber of Commerce and Industry eikirize kwombeka ekishaayi ky’enyonyi ekya Kidepo International Airport haihi n’eirindiro erya Kidepo kutunguura eby’oburambuzi n’entaasya ya Uganda.

H.e Abdallah Sultan Al Owais The Chairman Of Sharjah Chamber Of Commerce And Industry Of The Uae Signs The Mou During A Meeting At Munyonyo On Thursday. Ppu Photo

H.E Abdallah Sultan Al Owais, Ceeyamaani wa kampuni egi agambire Purezidenti ngu omurimo gw’okwombeka ekishaayi eki nigutandika Okwamunaana omwaka ogu kandi aragaanise okukora omurimo murungi.

H.e Abdallah Sultan Al Owais (l) Chairman Of Sharjah Chamber Of Commerce And Industry In Uae And His Delegation During A Meeting With President Museveni On Thursday. Ppu Photo

Omukoro ogu guhikirweho Maj. Gen. Kahinda Otafiire Minisita w’enshonga z’omunda y’eihanga, Gen. Katumba Walama – Minisita w’eby’enguuto, Hon. Martin Mugarra Bahinduka – Minisita w’eihanga ow’eby’oburambuzi, na ambassada wa UAE omu Uganda, H.E Abdalla Hassan Alshamsi.

President Museveni (r) Meeting H.e Abdallah Sultan Al Owais Chairman Of Sharjah Chamber Of Commerce And Industry In Uae And His Delegation At Munyonyo Shortly Before They Signed An Mou. Ppu Photo

#WestUpdates
#RadioWestAt25