Purezidenti Yoweri Museveni.

N’ebya Omushaki weitu

Purezidenti Yoweri Museveni yasiima ebitongore by’okwerinda ebirimu Pooriisi, UPDF hamwe n’ebindi ahabw’okurinda abantu abagiire aha kivuro kya Nyege Nyege abu yayeta (abasiisi) omuri Jinja okuhisya obu kihwire hataine kikorwa kibi kyona ekibaireho. 

Eki nikyoreka ngu eby’okwerinda omu Uganda biriho kandi birigye kurinda abantu aha mikoro yoona arikwongyeraho ngu okutinisiriza kw’abahekyera ba ADF tihaine ekikurikumanyisa.

Purezidenti naagira ngu n’amaziima abahekyera ba ADF abari omu Congo abu yayeta ‘empunu’ babaire basindikire obutumwa bw’okutinisiriza kutaahirira n’okuteganisa abantu aha mukoro gwa Nyege Nyege beitu tikibaireho.

Omu muringo nigwo gumwe, mpurire ngu aba abakuru omu eihanga erya America na Bungyereza basindikire obutumwa bw’okuhabura abantu b’omu mahanga gaabo obuteija omu Uganda. Purezidenti Museveni naagira ngu abo n’abakozi b’ebibi.

“Embeera yaaba eri mbi, naitwe twakubaire nituhabura abantu obuteija omu Uganda beitu batari bajungu hamwe n’aba America. Nitumanya ekiturikukora. N’obu enshobi nainga ekizibu kyona kyakubaho, nitumanya okuturikubaasa kukirwanisa,” Museveni arikushoborora.

Purezidenti naagira ngu omurimo ogu ab’eby’okwerinda baakozire n’ogw’amaani munonga.
 
Ninyenda kusiima Purezidenti wa Congo, Felix Tshisekedi ahabw’okukwatanisa naitwe omu kurwanisa abahekyera abu Museveni ayetsire empunu.

Purezidenti Museveni yaagira ngu nibeija kugumizamu n’okurwanisa abahekyera boona abari omu eihanga erya Congo turikukwatanisa n’amahe ga Congo hamwe n’abantu ba Congo okutwariza hamwe. 

Hariho orugambo aha nshonga y’eibura ry’ensenene;

Turi omu kwezi kwa Musenene, zirinkahi? N’ahabw’empinduka y’obwire nainga? Nyowe Museveni tindikurya ensenene. Kwonka ninkira kwendeza gye abantu abarikurya ensenene, eby’enyanja n’ebindi. Ensenene kuzirarebukye mungambire. Kandi enswa? Okwezi kwa 10 n’okwa Kashwa, okwezi kw’enshwa. Zo zikareebuka?

#WestUpdates