Brig. Gen. Freeman Mugabe. PHOTO: Margret Zalwango

Purezidenti Yoweri Museveni yaagaruka yaatoorana Brig. Gen. Freeman Mugabe nka Ceeyamaani wa Kooti y’ekinyamahe ahabw’encuro yakashatu.

Encwamu egi neyijaho bwanyima y’endagaano ya Mugabe kuhwayo, ekibaire kiretsire emirimo ya kooti y’ekinyamahe erikushangwa omuri Makindye kwemerezibwa.

Purezidenti yaagaruka yaatoorana Col. Raphael Mugisha nk’omuhababi wa kooti egi, Col. Richard Tukachungurwa nk’omuramuzi, Maj. Kamanda Mutungi Silas nka puriida na Maj. Frank Kijuru Asiimwe nka karaani obwo arikuza omubigyere bya Lt. Col John Bizimana oheerize kuhumura.

Ba memba abarikwija kushutama ah’akakiiko ka kooti egi  ak’abantu mushanju harimu Col. John Mark Ssemanda, Col. Joseph Ecelare Okalebo, Lt. Col David Baguma, Maj. Cyprian Sande Magezi, Maj. Gift Agiri Kaganda, Capt. Abdul Basajjabalaba na Lt. Col Sam Ntungura.

Abandi ba memba ab’okushutamiramu akakiiko aka harimu Maj. Angella Catherine Laker, Maj. Sarah Sonko Asiimwe, Capt. Akandinda Kagumire Marion, Capt. Lucy Nicole Etoru na WO1 Nyarare Robert.

Endagaano ya kooti egi nemara omwaka gumwe.

#WestUpdates
#RadioWestAt25