Purogyekiti y'okukora omuhanda gw'amajuta agataboneize etandikire omuri Hoima...(Photo by Ambrose Niwagaba Katoto)

Purogyekiti y’okukora omuhanda gw’amajuta agataboneize etandikire

N’ebya Niwagaba Ambrose Katoto

Hoima

Purogyekiti y’okukora omuhanda gw’amajuta agataboneize ogwa East African Crude Pipeline (EACOP) kwatandika omukyanga ekya Kabalega, ekyaro ekya Nyamasoga omugomborora ya Kabaale omu disiturikiti ya Hoima.

Omuhanda ogu ogw’oburaingwa bwa kiromita 1,443 niguruga Kabaale omu disiturikiti ya Hoima kuza omukyanga ekya Chongoleani Peninsula haihi n’omwaro ogwa Tanga omuri Tanzania. 

Donny Nkurunziiza orikukora nka ‘quality control’ omu purogyekiti egi naagira ngu bariyo nibakora ah’okubiika eby’okukozesa n’oburaaro bw’abakozi abarikwija kwombeka eicundiro rw’amajuta ery’okubanza omuri Kabalega industrial area.

Ogu naagira ngu kubaraheeze, purogyekiti nibaija kugikwatsa kampuni eya CPP, konturakita w’okukora omuhanda ogu.

Purogyekiti y'okukora omuhanda gw'amajuta agataboneize etandikire omuri Hoima...(Photo by Ambrose Niwagaba Katoto)

Joshua Twijukye, purogyekiti manegya wa kampuni eya Pearl Engineering company limited abu bahaire omurimo gw’okukora omurimo ogw’ahansi kumara ameezi ashatu naagira ngu obwahati bakozireho obucweka 70 ahari 100.

Robert Mukondo, kuruga omu kampuni y’amajuta eya Uganda National Oil Company (UNOC) naagira ngu obucweka 80 ahari 100 bw’omuhanda ogu guri Tanzania.

Ogu nashoboorora ngu omuhanda ogu nibaija kugwombeka okuzimu n’amacundiro 2 g’amajuta agarikwija kuba gari Kabaale na Ssembabule kandi agandi 4 nigaija kuba gari Tanzania kuhenderera ahari Tanga.

Paipu z’okukoresa omuhanda ogu ziriyo nizikorerwa omuri China kandi nizija kuba nizihika omuri East Africa ahamuheeru gw’omwaka ogu.

Ebiro ebihwaire, China ekaraganisa okuheereza Uganda shiringi trillion 10 z’okuhwera omukwombeka omuhanda gw’amajuta agataboneize omuri East Africa.

Abariyo nibashagika purogyekiti egi harimu ebitongore ebya Uganda National Oil Company (UNOC), Tanzania Petroleum Development Corporation (TPDC), TotalEnergies na China National Offshore Oil Corporation (CNOOC).

#WestUpdates