Ba RDC n'aba RCC babaasa kwija kufeerwa emirimo yaabo, Purezidenti Museveni yaheza kukora kubi omu karuuru ka 2026.

N’ebya Omushaki weitu

KALIRO

Minisita w’enshonga z’obwa Purezidenti, Babirye Milly Babalanda agambiire ba RDC n’aba RCCs ngu bari aharutezyo rw’okwija kufeerwa emirimo yaabo, Purezidenti Yoweri Museveni yaheza kukora kubi omu karuuru ka boona aka 2026.

Babalanda ahaireyo okurabura oku obu abaire akuriire omukoro gw’okurundaana esente z’okwombeka oburaaro bw’abaishiki ah’eishomero erya Namukooge Primary School omu gomborora eya Namugongo omu disiturikiti eya Kaliro.

Nakyoreka ngu nk’oku hateirweho puroguraamu nyingi nk’eya Parish Development Model, Emyooga n’ezindi nyingi ezigyendereire kwiha abantu omu bworo, tihariho nshonga ahabw’enki Purezidenti Museveni ashemeriire kwihayo oburuuru bukye omu karuuru ka boona aka 2026.

Esente zirikurenga shiringi 100,000,000 nizo zirundainwe aha mukoro ogu ahabw’okwombeka oburaaro bw’abaishiki b’eishomero erya Namukooge Primary School.

#WestUpdates