Rev. Ven. Michael Chorey yaatooranwa nka Biishopu omusya ow'obureeberezi obwa Karamoja

N'ebya Omushaki Waitu

Enju yaaba Biishopu eriizooba yaatoorana Rev. Ven. Michael Chorey nka Biishopu wakataano ow’obureeberezi bwa Karamoja.

Enju yaaba Biishopu yashutama ahari Lweza Training and Conference Centre eriizooba.

Chorey nayija kwemekwa ahabiro 25/8/2024 ahakanisa eya St. Phillip’s Cathedral omuri Moroto obwo arikuza omubigyere bya Rt. Rev. Joseph Abura otwaire ari Biishopu kwiha ebiro 27/5/2007.

Rev. Chorey atweire ari Aakidiikoni w’obusabadiikoni obwa Pokot kwiha 1/4/2012 kuhitsya hati.

Hoona abaire ari omwahure ow’ekanisa eya Christ Church omuburiisa obwa Amudat.

#WestUpdates
#RadioWestAt25