Bamwe ahabanyakakiiko abatoorainwe kwebembera emirimo y'empaka za Western Basketball League 2025. PHOTO: Edwin Ram

N’ebya Edwin Ram
Siizooni ensya y’empaka za Western Basketball League ehamiibwe kutandika ebiro 29.03.2025.

Ebi bihamiibwe nyomwebazyo omurukiiko rw’okwetebeekanisiza siizoni ensya ahi abarikwebembera omuzaano ogu bahingwize embariirira ya Sh 20,000,000 ahari Humura Hotel omururembo Mbarara.

Orukiiko oru rutandikire n’okwishwijuma  omwaka 2024 ahi aba Beyond Basketball bakwataneise n’enkunzi z’omuzaano gwa basketball batongoizeho liigi  ya Burengyerwa-izooba eya basketball  kubaasa kutunguura entaranta otaireho n’okwetebeekanisiza sizoni ensya ey’omwaka 2025.

Omubigambirweho harimu omutindo gw’abaramuzi b’empaka ezi ninga ‘referees’ ogwabaire gutari murungi n’ebikozesibwa bitarikumara omukwemerezaho empaka ezi, ekigyemesereize kuhinguza embariirira ya Sh 20,000,000

Aba baatoorana akakiiko akarayebembere liigi egi n’omuzaano ogu kandi ceyamaani batoraine Henry Bahirwe, Jotham Seba, Brian Kalinda, Alex Byamukama, Namayanja Florence, Asiimwe Sam.

Siizooni ensya y’empaka ezi n’ey’okutandika kuhinda ebiro 29.03.2025 kandi tiimu 14 nizo zirayejumbemu.

#WestUpdates