Purezidenti Museveni ayigwireho emizaano y’amashomero ga siniya eya FEASSA omuri Bukedea. PPU Photos.

N’ebya Omushaki weitu

BUKEDEA

Purezidenti Yoweri Kaguta Museveni nyomwebazyo aha Sande ebiro 18.08.2024 ayigwireho emizaano y’amashomero ga siniya eya Federation of East Africa Secondary Schools Sports Association (FEASSA) ey’omurundi gwa 21 etandiikire ah’eishomero erya Bukedea Comprehensive School omu disiturikiti eya Bukedea.

Eishomero erya Bukedea Comprehensive School n’erya Siipika wa Paramenti, Anita Annet Among.  

Emizaano endaijo eya FEASSA neija kuzaanirwa ah’eishomero erya AMUS College School na Teso College.

Emizaano egi erimu; football, Swimming, Table Tennis, Soccer, Badminton, basketball, Handball, Netball, Rugby 15’s na Hockey.

Purezidenti Museveni ayigwireho emizaano y’amashomero ga siniya eya FEASSA omuri Bukedea.

Atakigwireho emizaano egi, Purezidenti Museveni abandize yiguraho omwanya gwa Bukedea Comprehensive School’s sports park ogurimu ekishaayi ky’omupiira gw’ebigyere, ekya Sports Arena, n’ebindi.

Purezidenti Yoweri Museveni arikwiguraho omwanya ogwa Bukedea Comprehensive School's Sports Park ogurimu ekishaayi ky'eby'emizaano omuri Bukedea. Omwanya ogu n'ogwa Siipika Anita Among.

Purezidenti Museveni asiimire Siipika Among ahabw’okwombeka ekishaayi ky’eby’emizaano omu kyanga eki.

Purezidenti Museveni amanyiise abahikire aha mukoro ogu, ngu okukwatanisa kw’amahanga aga East Africa ti kw’eby’emizaano kwonka beitu kuri n’omu by’okwerinda n’ezindi purogyekiti z’entunguuka ahabw’oburungi bw’abantu b’omu mahanga ago.

Purezidenti Museveni asiimire Siipika Among ahabw’okwombeka ekishaayi ky’eby’emizaano omu kyanga eki.

Aharubaju rwe, Siipika Among ayaakiire abetabire omu mpaka ezi ab’omu mahanga ga East Africa ahabw’okwija omu Uganda n’omuri Bukedea kandi asiimire Purezidenti Museveni ahabw’okwiguraho ekishaayi ky’eby’emizaano. 

Siipika agarukire yasiima Museveni ahabw’okureebera hare na munonga omu kutunguura eby’emizaano.

Siipika agarukire yasiima Museveni ahabw’okureebera hare na munonga omu kutunguura eby’emizaano.

Amashomero 3,526 kuruga omu mahanga 5 g’omu kyanga ekya East Africa nigo getabire omu mizaano egi.

Amasomero aga garimu amashomero 1590 ag’omu Uganda, 1300 aga Kenya, Rwanda eine amashomero 162, Tanzania eine 443 kandi Burundi eine amashomero 31 agetabire omu mpaka ezi.

Okurugiirira ahari Minisita w’eihanga ow’eby’emizaano, Peter Ogwang, aba nibeija kuba niboreka entaranta hamwe n’okuhamya enkwatanisa y’amahanga g’omu kyanga ekya East Africa.

Ogwang amanyiise Purezidenti n’amahanga agandi agetabire omu mpaka ezi ngu Uganda eri aha kuteereza ebishaayi by’emipiira omu kwetegurira okutaayaayisa empaka z’ekikopo ky’amahanga ga Africa 2027.

#WestUpdates