Uganda Airlines kwongyeraho engyendo 3 nsya ahangyendo zaabo...(Photo by Ali Twaha)

N’ebya Ali Twaha

Ekitongore ekya Uganda Airlines nikija kwongyeraho engyendo 3 nsya ahangyendo zaabo Okwamwenda oku kurugiirira ahari Jennifer Bamuturaki, Orikukurira ekitongore eki.

Arikugambaho n’abanyamakuru omuri Kampala eriizooba, Bamuturaki yaagira ngu okwongyera ahangyendo zaabo n’okureeba ngu bayejunisagye enyinyi zaabo hamwe n’okwihamu amagooba.

Ekitongore eki nikija kutandika obuheereza omuri Abuja, orurembo orukuru omuri Nigeria ahabiro 12/9/2024, Lusaka omuri Zambia na Harare omuri Zimbabawe ahabiro 25/9/2024.

Bamuturaki naagira ngu engyendo ezi nizegaita ahangyendo ezirikuza Nairobi, Johannesburg, Bujumbura, Dar es Salaam, Johannesburg, Mumbai, Kilimanjaro, Lagos na Dubai.

Okuhangutsya ahangyendo zaabo n’ekigyendererwa ky’ekitongore ki kuhangutsya ahakatare kabo namunonga engyendo ezirikuza London, Mumbai na Dubai.

#WestUpdates
#RadioWestAt25