Omuntu owa kashatu oshangirwe n’oburwaire obwa Monkey Pox n’omu disiturikiti eya Amur kandi nawe ateirwe omu mwanya gwe wenka.

N’ebya Omushaki weitu

Uganda ehandiikire abantu 3 abasya abahamiibwe kuba baine oburwaire bw’omuze oburikuruga omunkyende obwa Monkey Pox.

Minisita w’eihanga ow’eby’obwegyese bwa Purayimare, Joyce Moriku Kaducu naagira ngu abantu 2 ahari 3 abahamiibwe kuba baine oburwaire obwa Monkey Pox bashangirwe omuri Kampala kandi obwa hati bateirwe omu mwanya ogwabo bonka ah’eirwariro erya Entebbe Referral Hospital ahi ariyo naragurirwa.

Omuntu owa kashatu oshangirwe n’oburwaire obwa Monkey Pox n’omu disiturikiti eya Amur kandi nawe ateirwe omu mwanya gwe wenka.

Kaducu nayenda abantu okuza aha buzoora maisho kandi bakuratire emiringo eteirweho kutangira okujanjaara kw’oburwaire obwa Monkey Pox omu eihanga.

Okucondooza okuheererukire kukorwa nikworeka ngu abantu 2 ababandize kuhamibwa kuba baine oburwaire obu obwa Monkey Pox omu disiturikiti eya Kasese bakabwiha omu eihanga erya Democratic Republic of Congo.

Abantu 2 ababaandize kuhambibwa omuri Kasese bakaba bari bamwe aha bantu 6 ababaire nibateeberezibwa kuba baine oburwaire obu aha kutandika k’okwezi kwa 8, 2024 kandi kuruga obwo bakasiburwa.

#WestUpdates