"Abakazi bashemeriire kugyenda bakesimba omu buruuru obu kutandikira aha kyaro, bagyende nibakura n'okutunga obukugu bw'okuhayanira entebe z'ahaiguru," Arach arikushoborora.

N'ebya Beth Akatukunda

Ekigombe ky'eby'obutegyeki ekya Uganda People's Congress (UPC) nikishaba abakazi okwetaba omu kuteera oburuuru bw'okutoorana obukiiko bw'abakazi ahandengo zoona.

Okushaba oku nikwijaho bwanyima y'akakiiko k'eby'obururu, kushohoza engyenderwaho y'oburuuru obukyereirwe kuteerwa.

Okurugiirira aha mugambirizi w'ekigombe ekya UPC, Sharon Arach Oyat, abantu boona baine kwetaba omu kuteera oburuuru bw'ekyaro oburikuza kuteerwa ebiro 14/11/2023, obw'omuruka ebiro 21/11/2023 hamwe n'oburuuru bw'okutoorana obukiiko bw'abakazi oburikuza kuteerwa 5/12/2023.

"Abakazi bashemeriire kugyenda bakesimba omu buruuru obu kutandikira aha kyaro, bagyende nibakura n'okutunga obukugu bw'okuhayanira entebe z'ahaiguru," Arach arikushoborora.

Arach okugamba ebi n'obu abaire nagambaho n'abanyamakuru aha kitebe kikuru kya UPC ahari Uganda House omuri Kampala nyomwebazyo ebiro 11/10/2023.
 Ogu abaire nagamba ahangyenderwaho y'akakiiko k'eby'oburuuru ei agizire ngu aha murundi ogu eine kuteebwa omunkora nk'oku ekiragiro kirikugamba.

Arach nahabura abateezi b'akaruuru okuba abegyendesereza n'okushwijuma abantu boona abarayetsimbeho kureeba ngu batoorana abeebembezi barungi abarikwija kubahwera kutunguura ebyanga byabo.

Nikijukwa ngu akakiiko k'eby'oburuuru kakashohoza engyenderwaho y'oburuuru bw'obukiiko bw'abakazi omwaka oguhwaire beitu bukaija bwayemerezibwa.

Ahabiro 25/07/2023, oburuuru bw'ebyaro n'obw'obukiiko bw'abakazi bukaija bwayongyezibwayo ebiro ebindi 180 ahabw'obutagira esente zirikumara.

 #WestUpdates