Pooriisi erikukwata Omugambirizi w'ekigombe ekya NUP, Joel Ssenyonyi hamwe n'omuhandiiki mukuru w'ekigombe eki, Lewis Lubongoya omuri Kampala. Courtesy Photo.

N’ebya Jimmy Muwanika

KAMPALA

Pooriisi yakwata ba memba 14 ab’ekigombe ekya National Unity Platform (NUP) abarimu omuhandiiki mukuru w’ekigombe eki, Lewis Lubongoya hamwe n’omugambirizi waabo, Joel Ssenyonyi.

Abantu aba baakwatirwa aha kitebe kikuru ky’ekigombe ekya NUP omuri Kamwokya, Kampala ahi baaba bateire omukoro gw’okushabira ba memba baabo ab’ekigombe kya NUP abafiire omu kasheeshe k’orw’okubanza.

Okurugiirira aha muhwezi w’omugambirizi wa Pooriisi ya Kampala n’emyanya egihereire, Luke Owoyesigyire, guruupu y’abantu aba bakomeirwe aha Pooriisi ya Kira omuri Kampala.

“Twakwata ba memba 14 ab’ekigombe ekya NUP. Tubaine omu kihome kyaitu ekya Kira. Aba tibakeegambireho kandi ku turaaheze nitwija kureeba eky’okubakorera yaaba tubarekurira aha 'bond' nainga tubatwara omu kooti, Owoyesigyire arikushoboorora.

Pooriisi yaagira ngu aba nibaija kuteebwaho omushango gw’okuhemba omuriro omu bantu.

Arikugambira abanyamakuru omu maka gye omuri Magere omu disiturikiti eya Wakiso, Purezidenti wa NUP, Robert Kyagulanyi Ssentamu orikumanywa munonga nka Bobi Wine yaagira ngu ba puriida ab’ekigombe eki nibaija kukuratiriza omushango ogu.

#WestUpdates