Ab'orubaju oruhakani nibenda gavumenti okwesaasiza ebigombe by'orubaju oruhakani hamwe n'abeebembezi ahabw'okuguma nibateerwa n'okutuntuzibwa ab'eby'okwerinda.

N'ebya Andrew Arinaitwe.

Ab'orubaju oruhakani omu Paramenti barahiire okutagaruka omu Paramenti okuhisya obu gavumenti erabashabe okusaasirwa n'okweraganisa kumaraho ebikorwa by'ab'ebyokwerinda kubatuntuza.

"Nitushaba gavumenti okurugayo ekatwesasiza omu bikwatiriine n'okuribatirira obugabe bwaba memba ab'orubaju oruhakani hamwe n'abeebembezi oteireho nokusharaho ekitebe kikuru ky'ekigombe kyeitu.

Omwebembezi w'orubaju oruhakani omu Paramenti, Mathias Mpuuga nabwo naagira ngu nibenda gavumenti okwesaasiza ebigombe by'orubaju oruhakani hamwe n'abeebembezi ahabw'okuguma nibateerwa n'okutuntuzibwa ab'eby'okwerinda.

Abany'ishengyero ab'orubaju oruhakani abarahira obutagaruka omushutamo za Paramenti kuhisya obu gavumenti erabashabe okusaasirwa ahabw'okubatuntuza. Courtesy Photo.

Obwo ashendekyereziibwe abany'ishengyero b'orubaju oruhakani omu rukiiko rw'abanyamakuru omuri Kampala eriizooba, Mpuuga nabwo yaagira ngu nibenda gavumenti okukwata abari enyima y'okuteera n'okutuntuza ab'orubaju oruhakani.

Omuhwezi wa Siipika wa Paramenti, Thomas Tayebwa yashaba enganzi y'eihanga Robinah Nabbanja okureeta ekihandiiko kirikushoborora ahabirikugambwa ngu ab'eby'okwerinda bakoriise amaani mingi omu kukwata abeebembezi hamwe n'okuzingaho ofiisi z'ekigombe kya NUP. 

Omuhwezi wa Siipika wa Paramenti, Thomas Tayebwa.

#WestUpdates