Purezidenti wa NUP, Robert Kyagulanyi hamwe na komishona wa Paramenti, Mathias Mpuuga. Bukedde Photo.

N’ebya Ivan Tsebeni

NAJJANANKUMBI

Ekigombe kya FDC eya Najjanankumbi nikigira ngu obuteikirizana oburi omu kigombe ekya National Unity Platform (NUP) bugyenderiire kuteganisa enkora y’ebigombe (multi-party system) omu Uganda.

Ekigombe ekya FDC nikigira ngu ebirikugambwa ngu hariho okutugira bamwe omuri ba memba b’ekigombe okwabaireho kugyenderiire kuteeganisa enkora y’ebigombe.

Arikugambaho n’abanyamakuru aha kitebe kikuru ky’ekigombe ekya FDC omuri Najjanankumbi, Kampala aharw’okubanza ebiro 04/03/2024, Omugambirizi w’ekigombe eki John Kikonyogo naagira ngu okurwana okuri omu kigombe ekya FDC kubaasa kureetaho okwebaganisamu na munonga omu by’obutegyeki.

Kikonyogo naagira ngu eby’obutegyeki eby’okutunga abantu akakumu ahamwanya gw’okugamba aha bizibu nibyo biriyo nibyita obutegyeki bw’ebigombe omu eihanga. Ebigombe byiine kutaho entebeekanisa egyenderiire kugonjoora kitaka obuteikirizana omu bigombe.

Wiiki ehwaire, ekigombe ekya NUP kishabire omuny’ishengyero owa Nyendo-Mukungwe, Mathias Mpuuga okurekura omurimo gw’obwa komishona wa Paramenti bwanyima y’okwikiriza kuba yatungire shiringi miriyooni 500. 

Esente ezirikugambwaho n’eza kasiimo ahabw’okukora gye emirimo ye omu bwire obu yamazire ari omwebembezi w’orubaju oruhakani omu Paramenti. Encuro ye ey’omwebembezi w’orubaju oruhakani omu paramenti ekahwayo omu kwezi kwa 12, 2023.

Omu kihandiiko eki ekitebe kikuru ky’ekigombe kya NUP kishohoize aharwakana ebiro 01/03/2024, Purezidenti w’ekigombe eki Robert Kyagulanyi Ssentamu orikumanywa munonga nka Bobi Wine agizireho orukiiko n’abandi bakuru omu kigombe eki bwanyima y’obushomankuzi oburi kugambwa kuba buri omu bamwe omu bakuru omu kigombe abarimu na Mathias Mpuuga.

Beitu we, Mpuuga agizire ngu tihaine kibi kyona eki yakozire omu kwakiira esente ezo kandi ayangire kurekura obwa komishona bwa Paramenti.

#WestUpdates