Komishona wa Paramenti, Mathias Mpuuga nashaba abeebembezi abakuru ab'ekigombe kye ekya NUP okumwesaasiza ahabw'okumusiisira eiziina.

N’ebya Omushaki weitu

Komishona wa Paramenti, Mathias Mpuuga nashaba abeebembezi b’ekigombe kye ekya National Unity Platform (NUP) okurugayo bakamwesaasiza ahabw’okushiisha eiziina rye ngu n’omuri w’enguzi.

Okushaba kwa Mpuuga nikwijaho bwanyima ya kooti kucwamu ngu akasiimo aka shiringi 1,700,000,000 aku ba komishona ba Paramenti babagaine kakaba kari omu mateeka.

Ku abaire nagambaho n’abanyamakuru aha Paramenti bwanyima y’encwamu ya kooti, Mathias Mpuuga agizire ngu ekigombe kye ekya NUP kikamusiisira eiziina oteireho n’okumutaho emishango ngu n’omushomankuzi.

Mpuuga nabwo ori omuny’ishengyero wa Nyendo-Mukungwe akyorekire ngu encwamu ya kooti ehairweyo nyomwebazyo, neyorekyera kimwe ngu abany’ishengyero abatwire nibagamba ahanshonga y’akasiimo aka barikumusiisira eiziina n’amaziina g’abandi ba komishona babaire niboreka obutamanya bwabo aha nshonga egi.

Nabwo, Mpuuga nashaba abany’ishengyero abatwire nibareeta ekiteiso ky’okubihamu obwesigye okurugayo bakesaasiza eihanga.

#WestUpdates