Abakugu omu kucondooza nibenda Gavumenti ebakwatireho

N’ebya Eli Akiza
Abakugu omu kucondooza omuri Mbarara nibenda Gavumenti kuta sente zirikumara omu murimo gwabo n’ekigyendererwa ky’okubahwera kukora gye emirimo yaabo.
Ebi baabigambira omu rusiisira rw’okumurukira abantu ebirugire omu kucodooza kw’omwaka oguhweire ah’itendekyero rya Bishop Stuart University omuri Mbarara.

Omurusiisira oru abahangu omuby’okucondooza hamwe n’abahandiiki b’ebitabo nibagira ngu enshonga y’obutagira bikwato birikumara hamwe na sente ecumbagize emirimo yaabo.

Okukwatanisa n’amatendekyero agatunguukire omu nsi yoona ni kimwe aha bintu ebyakirwa kugambwaho kandi eki nibagira ngu nikiza kuhweera kihango na munonga ahabeegi abakiri omu matendekyero.

Aba baatongozaho n’ekitabo ekirikuza kuhwera abeegi abarikushoma ishomo ry’okucoondooza omu matendekyero g’ah’eiguru.

#WestUpdates