Kooti omuri Mbarara eikiriize Atwongyirwe kwemererwa aha musingo gwa sente ez’oburiho.

N’ebya Omushaki weitu

MBARARA

Omushomesa w’eitendekyero erya Bishop Stuart University omuri Mbarara orikujunaanwa okushuka omukozi we w’omuka amaizi garikwosya aikiriziibwe kwemererwa.

Kooti omuri Mbarara eikiriize Atwongyirwe kwemererwa aha musingo gwa sente ez’oburiho.

Atwongyirwe najunaanwa omushango gw’okuhutaaza omukozi we w’omuka Rachael Ninsiima, ou yashukire amaizi garikwosya arikumutura okunabisa abaana be kikyererezi.

Arikureebukaho omu maisho g’omuramuzi Andrew Kabombo Orwakashatu ebiro 16.10.2024, Atwongyirwe aikiriziibwe kwemererwa aha musingo gwa shiringi 1,500,000 ez’oburiho kandi abeema be buri omwe arangiirwe kushashura shiringi 10,000,000 ezitari z’oburiho.

Omuramuzi Kabombo agizire ngu omukozi (Rachael Ninsiima) abaire yashabire ngu Atwongyrwe aikirizibwe kwemererwa abaase kugumizamu namuraguriza.

Omushango ogu gwongiirweyo kuhisya ebiro 03.12.2024.

#WestUpdates