“Abanyadiini mutandikyeho purogyekiti z’okutaahiza amakanisa” – Bishop Magezi...(Photo by Bruno Magezi)

N’ebya Bruno Mugizi

Ibanda:

Abanyadiini kuruga omu bureeberezi bwa North West Ankole bashomesiibwe obukugu omuby’esente.

Aba babaire nibatendekwa abahangu kuruga ah’eitendekyero erya Ankole Western University.

Omushomo ogu ogwesirwe ‘Finance Management for non-Finance Managers’ oguheerize wiiki emwe gugyenderire kuhwera bakuru b’amakanisa omubureeberezi omukurinda sente z'ekanisa.

Abanyadiini aba bashomesiibwe obukugu bw'eby'esente n'okutaahiza amakanisa..(Photo by Bruno Mugizi)

Omukoro ogu gwaba gukurirwe omuhandiiki w’eby’obwegyese ahabwa Ankole Western University (AWU), Robert Muhanguzi ahambuga nkuru za dayosiisi egi omuri Ibanda. 

Biishopu Amos Magezi yashaba abatendekirwe okuta omunkora ebi bashomire kureetaho empinduka omumakanisa gaabo.

Biishopu yagaruka yagambira abanyadiini omugasho gw'okurinda ebintu by’amakanisa omubureeberezi obu kandi yabashaba n'okutandikaho za purojekiti z'okureetera amakanisa entaasya.

#WestUpdates