Purezidenti kandi hoona nabwo ayongyeire yaashaba abeebembezi b’amadiini kukoreerera obumwe omubaikiriza. PHOTOs by PPU.

N’ebya PPU

MBARARA

“Ninyebaza Mukama ahabwa Paasita Patience kukuratira ekirari kyangye ky’okubuurira engiri hamwe n’okwongyera ahantaranta,” nikwo Purezidenti agizire.

Ebi, Purezidenti abigambire aharwamukaaga ebiro 18.05.2024 ahakiteerane ky’engiri ekyetsirwe “Light Up Ankole For Jesus Mission” ekibeire kitebeekanisiibwe muhara wa Purezidenti, Paasita Patience Rwabwogo ahakishaayi Booma omururembo Mbarara. 

Kandi we, Paasita Patience agizre ngu omubiro 5 by’ekiteerane, Mukama akwatsire ekishaayi ky’eby’emizaano Booma yaakihindura enkambi ya Mukama.

Paasita Patience niwe yatandikireho kandi orikwebembera ekanisa ya Covenant Nations Church.

Kandi we, Paasita Patience agizre ngu omubiro 5 by’ekiteerane, Mukama akwatsire ekishaayi ky’eby’emizaano Booma yaakihindura enkambi ya Mukama.

Purezidenti Museveni ashoboroire ngu enshonga eyaamureeteire ataikirizana n’ekibiina abeeteeraine omubyahandiikirwe nainga shi Scripture Union obu yaabeire akiri omu ishomero omugwa 1965 n’ahabw’okugira ngu bakaba batarikugambira abantu kukora ngu kandi abaabeire bari omukibiina ekyo bakaba nibaikiriza ngu omuntu ku yaaba aba atakozire, Ruhanga ahaka amuriisa.

“Ekyo tindaikirizaine nakyo. Nk’omwebembezi w’ediini, oriyo noyegyesa abantu kwonka ori omworo, noyegyesa ki abantu?

Hati omubiri ogwo, ogwine enjara kandi gurwaire, ni hekaaru ki ya Ruhanga? Ebi nibyo bizibu ebi oyereeteire,” nikwo Purezidenti agizire. 

Purezidenti Museveni arikuta omukono ahakihandiiko ky'abarokore kukwatanisa n'enyikiiriza y'abakuristaayo aha kiteerane ky'abarokore n'abakuristaayo ekibaire aha kishaayi kya Boma, Mbarara omu wiikendi.

“Ninyenda kwebaza Mukama ahabw’okureeta omwahure omuka yangye. Kandi ogwo mubuurizi ariyo naatamburira omukirari kyangye. Omubuurizi ou Mukama areetsire omukika kyaitu na Maama (Janet) takaheerezaho ga mu Gavumenti. Ninyenda kwebaza Ruhanga ahabwe n’omushaija we. Nibatwara baijukuru bangye ah’iriisizo kandi babeegyesa okukora, “ nikwo ayongyeireho. 

Purezidenti Museveni, omukazi we Janet hamwe n'omuhara Patience Rwabwogo barikuramusya abanyadiini n'abanyabutegyeki abahikire aha kiteerane aha kishaayi ekya Boma omuri Mbarara aharwamukaaga ebiro 18.05.2024.

Purezidenti kandi hoona nabwo ayongyeire yaashaba abeebembezi b’amadiini kukoreerera obumwe omubaikiriza 

Muka Purezidenti kandi ori Minisita w’eby’obwegyese n’emizaano, Maama Janet Museveni ahaireyo obujurizi ku Ruhanga yaabeire naakoresa Paasita Patience n’ekanisa ye kukora emirimo ye. 

“Ninyebaza Ruhanga ahabw’okutucureeza omumuringo gw’omutaano ahabw’okutoorana omuwe ahabaana baitu kumuheereza nk’omubuurizi w’engiri. Ti habw’okugirangu turi eka ehikiriire munonga kwonka Ruhanga n’ow’embabazi kandi naahurira abo abarikweta eiziina rye,” Maama Janet nikwo agizire. 

Beitu ayetomboitsire ahabw’okubura kw’emicwe omubyanga nangwa n’omubaikiriza. 

“Omuri Ankole, abaana n’abaijukuru b’abaareetsire obumwe nibaba abaikiriza omukwetererwa eiziina kwonka. Nibaza omumaramizo omubihuumuro bahamya ku barikumanya Ruhanga kwonka tibahikane na Mukama kandi tibarikumutiina. Omuriro ogwahembirwe kureetaho okujunwa gukaraara kandi hati nitureeba ebizibu omubyanga byaitu ahabw’ekyo. Ebizibu by’ebisiiyaga ebirikureetwaho okukunda munonga sente, oburi bw’enguzi oburi haihi kuhindukamu endwara, okutwara enda omubaishiki bato, okuzaana zaara hamwe n’ebindi bingi nibireebwa omu ihanga,” nikwo agizire. 

“Ankore nayo eine ebizibu ebi. Nangwa, omumiringo mingi, omuri Ankore harimu ebizibu omuby’omwoyo nk’okuramya abacwezi n’abarangi ab’ebishuba. N’ahabw’ekyo, Ruhanga aine enshonga nungi omumbabazi na Rukundo ye kureeta ekiteerane eki obwire obu.”

Muka Purezidenti ayongyeire yaagira ngu abaikiriza baaba ab’amazima ahari Ruhanga n’ahabaikiriza bataahi baabo, Ruhanga nabaasa kukora bingi munonga arikurabira omuri bo.

“Mbwenu, nimbegaitaho omukushaba n’okwikiriza ngu Ruhanga naija kutaayayira Ankore ogundi murundi, hamwe na Uganda yoona kandi atushukyere omwoyo we orikwera, enjura ez’omu ibiba n’ez’omu isharuura nk’oku omurangi Yoweeri yaarangire.”

Kandi we, Paasita Patience agizre ngu omubiro 5 by’ekiteerane, Mukama akwatsire ekishaayi ky’eby’emizaano Booma yaakihindura enkambi ya Mukama.

“Kandi eki Mukama Yesu akozire omumwanya ogu n’okwikarira Goliyaasi n’okumwihaho omutwe. Ashazire emitima yaitu yaagishemeza kandi obwa hati twine emitima misya eijwire amashemererwa,” nikwo agizire

“Omubiri 5 ebi tubaire turi omukucucuka, okwatura kandi niwikiriza ngu eki Ruhanga abaire nayenda kureetaho akitureeteire. Kandi Ruhanga atusaasiire,” nikwo ayongyeireho. 

Biishopu Joshua Lwere owaabeire nayembera kandi nareeberera amakanisa g’abajunwa nari shi National Fellowship of Born Again Churches of Uganda, ayebarize Ruhanga ahabwa Paasita Patience, arikugira ngu omurimo gwe gw’oburiisa n’okwetwa kwa Ruhanga okw’amazima. 

Ow’ekitiinisa Purezidenti na Maama, imwe n’obu muraabe mutwire omumirimo y’obutegyeki, kwonka abazaire baanyu omumbaju zombi bakaheerezaho Mukama kurabira omukujunwa okurikugarura busya kandi Ruhanga n’omwesigwa omuri buri mugigi. 

Ku mwagiire omuby’obutegyeki, akacwamu kubakuriza omubuurizi w’engiri omuka yaanyu n’ahabw’ekyo nitureeba omukono gwa Ruhanga ahari we, itwe nk’abeebembezi b’amadiini,” nikwo agizire

#WestUpdates