Abashaho 4 bakwatsirwe ahabw’obutakora ahabarwaire omuri Hoima.

N’ebya Ambrose Nuwagaba Katooto

HOIMA

Abashaho 4 ab’ah’eirwariro erihango erya Hoima bakwatsirwe ahabw’obutafayo aha murimo gwabo.

Aba bakwatsirwe ahakuragiira kwa RCC w’orurembo orukuru orwa Hoima bwanyima y’ekikoosi ky’abarwaire ba shukaari kutaahirira ofiisi ye barikugira ngu abashaho b’ah’eirwariro erihango erya Hoima bangiire kubakoraho. 

Abarwaire bagambiire RCC ngu abashaho babagizire ngu bo bagiire omu kahuumuro k’ekiro kikuru kya Nohiri.

Arikugambaho na TV West, RCC wa Hoima City, Badru Mugabi agizire ngu bwanyima y’okubuganaho abarwaire ba shukaari aba, aragiire okukwatwa kw’abashaho abo.

#WestUpdates