Abeby'okwerinda bakwatsire empenda biragiro omu rurembo rwa Mbarara...(Photo by Fred Turyakira)

40 bakwatsirwe ahabw'obuhenda biragiro omuri Mbarara

N'ebya Fred Turyakira

Ab'eby'okwerinda bakwatsire ebikoosi by'abantu 40 n'abaana b'ahamuhanda abarikugambwa kuba banyangaariize abatuura omu rurembo orwa Mbarara.

Senior Probation Officer wa kanso y'orurembo rwa Mbarara, Henry Mushabe naagira ngu batandikireho ebikwekweto by'okukyendeza omubaro gw'abaana abarikutuura ahamuhanda ababaire empenda biragiro.

Abakwatsirwe harimu abana abarikutuura ahanguuto abanyangaariize abatuura...(Photo by Fred Turyakira)

Eki nikijaho bwanyima y'okwetomboita ngu abaana b'ahanguuyo banyangaariize abantu na munonga owa baasi paka obwo barikutwara ebintu by'abatuura.

Senior Probation Officer wa kanso y'orurembo rwa Mbarara, Henry Mushabe

Abaana aba nibagambwa kuba nibahamba abakazi, bataahiriira bizinesi z'abantu n'amaka omubyanga ebya Kisenyi, Kijungu, Biafra na Muti cell eri enyuma ya supermarket eya Fresco.

Bamwe ahabaana abakwatsirwe nibagambwa kuba bari empungi omu kampu eya Nakivale...(Photo by Fred Turyakira)

Ogu nashoboorora ngu abaana abamwe n'empungi kuruga omu eirindiro erya Nakivale omu disiturikiti ya Isingiro nikwo kushaba ofiisi y'empungi kureeba ngu abaana aba bagarurwa omu kampu egi.

Bamwe ahabakazi abarikutuura ahanguuto...(Photo by Fred Turyakira)

Kansaara Yusuf Kakembo naagira ngu abashaija n'abakazi abari omumyaka 30 na 40 abataine ah'okutuura obwahati batandikire okutuura ahanguuto ahi barikwerundaanira bakateeka.

#WestUpdates