Onyango naagira ngu banyakukwatwa baine akakwate n’ekikoosi ky’abainazi ab’emihoro abatwire banyangariize abantu omuri Nabweru n’emyanya endiijo. Courtesy Photos.

N’ebya Charles Etukuri

WAKISO

Pooriisi Orwakashatu ebiro 15/05/2024 ekwatsirwe abantu 2 ahabw’okugambwa kuba baine akakwate nekikoosi ky’abainazi abatwire nibanyangaraza abatuura b’omuri Nabweru, Kazo omuri Nansana Divijoni omu disiturikiti eya Wakiso.

Patrick Onyango, Omugambirizi wa Pooriisi ahabw’ekyanga ekya Kampala n’emyanya egiheeriire agambire banyakuteekateekwaho nka; Abdu Ssebyuma- omutuura wa Kazo Muganzilwaza hamwe na Ronald Nyakana. 

Onyango naagira ngu banyakukwatwa baine akakwate n’ekikoosi ky’abainazi ab’emihoro abatwire banyangariize abantu omuri Nabweru n’emyanya endiijo.

Onyango naagira ngu banyakukwatwa baine akakwate n’ekikoosi ky’abainazi ab’emihoro abatwire banyangariize abantu omuri Nabweru n’emyanya endiijo.

“Aharwakashatu shaaha nka 10 z’ekiro omuri Nabweru, Kazo Muganzilwaza omuri Nansana Divijoni, Pooriisi etungire amakuru g’abashuma 2 ababaire baine emihoro ababaire nibenda kutaahirira abantu ababaire nibagaruka omu maka gaabo barikuruga aharufu omuri Kazo Muganzilwaza,” Onyango arikushoborora.

Onyango naagira ngu abakwatsirwe nibeija kutwarwa omu kooti bajunaanwe kandi emihoro neija kukyeberwa abahangu kumanya yaaba emihoro egi eraakoresiibweho omu kutaahirira abantu n’okubatema.  

Omuhoro ogushangirwe n'abanyakuteekateekwaho omuri Nabweru omu disiturikiti eya Wakiso.

#WestUdates