Omubiri gwa Minisita Sarah Mateke Nyirabashitsi gwaheza kuhika ahakishaayi ky'enyonyi ekya Kisoro Airstrip akasheeshe k'eriizooba. PHOTO: Job Namanya

N'ebya Job Namanya

Abebembezi bekyanga ekya Kigezi  baasiima minisita Sarah Mateke Nyirabashitsi, ofiire enshumi nkye ehweire ahabw'entunguuka eyi areetsire omukyanga eki.

Minisita Mateke otwire ari omuny'ishengyero omukazi ahabwa Kisoro akaafa orwamukaaga rwa wiiki ehweire kandi n'ow'okuzikwa izooba rya nyenkakare omu maka gaabo aga Bugahe, Nyakabingo, Chahi  omuri Kisoro.

Bamwe omubaija ahakusiiga Minisita Sarah Mateke eriisho ry'ahamuheru omumaka gye. PHOTO: Job Namanya

Okusiima emirimo ye kwakorerwa omu kanso ey'omutaano eyaaba omu maka g'omugyenzi.

Ebi bitakabeireho, omubiri gw'omugyenzi gwayakiirwa aha kishaayi ekya  Kisoro Airstrip kandi gwareetwa enyonyi ya UPDF ey'enamba AF-623, eyaahikaho shaaha 5 z'akasheeshe. 

Omubiri gwa Minisita Sarah Mateke omumakagye eriizooba omuri Nyakabingo, Chahi, Kisoro. PHOTO: Job Namanya

Na bwanyima omubiri gwe gwayakiirwa nikwo kutwarwa omu maka g'omugyenzi  ahi kanso yashutama.

Aha mukoro nigwo gumwe hahikaho n'abeebembezi b'ebyanga ebihereriire Kisoro kandi nabo basiima emirimo ya Mateke.

Aha niho kansara w'abantu ba Nyakinama , Diana Nakato yashabira abeeka ya Mateke kusherurayo omuntu orabagyere omu bigyere by'omugyenzi kumariiriza emirimo ye yoona.

Kanso ya Kisoro nikwo kurugayo ekashaba mwine-nyina, Ruth Nyiraneza Mateke, kuza omu bigyere by'omugyenzi.

Ahi twaza kukorera amakuru aga, Omukoro gw'okusabira omugyenzi gwaba nigugyenda omumaisho omu maka gaabo. 

#WestUpdates