Leah Ashabaheebwa, omwe ahabeegi ba Bishop Stuart University yaaheza emishomo ye omuby'amakuru. PHOTO: ELI AKIZA

N'ebya Eli Akiza
Abeegi barikurenga omu 1,512 beitendekyero rya Bishop Stuart University abaherize emishomo yaabo eizooba eri bajwara kandi bashabwa okuba etabaaza z'eihanga.

Manegya wa Radio West, nawe yaamara emishomo ye ah'itendekyero rya Bishop Stuart University eriizooba. PHOTO: ELI AKIZA

Omukoro ogu gwakurirwa Minisita w’ebya kanyabwengye n’okuhabura eihanaga Dr. Chris Baryomunsi arikuhwerwaho kyansara w'eitendekyero eri Rt. Rev. Ass. Prof. Sheldon Mwesigwa.

Omukoro gwahikwaho abantu bingi b’ebitiinisa kandi gwayebemberwa minisita w’ebya kanyabwengye hamwe n’okuhabura eihanga Dr. Chris Baryomunsi arikuhwerwaho kyansara w'eitendekyero eri Rt. Rev. Ass. Prof. Sheldon Mwesigwa.

Minisita w'ebya za kanyabwengye na n'obuhabuzi bw'eihanga Dr. Chris Baryomunsi arikugamba ahamukoro gw'okujweka abeegi ba BSU eriizooba 08.12.2023. PHOTO: ELI AKIZA

Omu kuhayo obutumwa bwe Minister Chris Baryomunsi yagira ngu okushoma nikimanyisa okuba etabaaza ezirikwakiira buri omwe omu ihanga nikwo kushaba abaaheza emishomo okukitooreza.

Ogu hoona yayoreka n'okwerarikirira ahabw'endwaara ya siriimu eriyo neyoyengyera omu kyanga eki kandi yaashaba eminyeto okurinda amagara gaabo.

Omu baajwara haaba harimu n’abakozi ba Vision Group 3 abarimu Manager wa Radio West Dickson Nandinda, Micheal Tumwakiire owa #Agacencwire hamwe na Agaba Bobs Gad omuheereza wa puroguraamu ya Goodnight Melodies aha Radio West.

Omunyamakuru wa TV West, Michael Tumwakiire(rwagati) aine bataahi be ahakujwara kw'abeegi okw'omurundi gwa 19 ahabw'eitendekyero erya Bishop Stuart University eriizooba 08.12.2023

Ogu gwaba guri omurundi gwa 19 eitendekyero eri ririkujweka abeegi kandi boona hamwe abajwara n'abeegi 1,512.

#WestUpdates