Abeebembezi b'amadiini nibashaba oburingaaniza omu kugaba emigisha y'okutimba amajuta...(Photo by Amborse Niwagaba Katoto)

Abeebembezi b’amadiini nibashaba oburingaaniza omukuha emigisha omu purogyekiti z’amajuta

N’ebya Ambrose Niwagaba Katoto

Buliisa:

Abeebembezi b’amadiini barikurabira omu kigombe kyabo ekya ‘Inter Religious Council of Uganda’ nibashaba ngu haabeho oburingaaniza omu kugaba emigisha omu purogyekiti z’okutimba amajuta kureeba ngu entunguuka eri omukyanga ekya Bunyoro yaganyirwamu abanya Uganda boona.

Ebi byagambwa Mufti wa Uganda, Sheikh Shaban Ramadhan Mubajje owaba akuriire ba memba b’ekigombe eki obu baaba nibarambura purogyekiti z’amajuta orutebeekanisiibwe ekitongore ky’amajuta ekya Petroleum Authority of Uganda.

Mubajje yaagira ngu omurimo oguriyo nigukorwa ni murungi beitus enshonga eriho n’abantu abaraganyirwe omu purogyekiti egi.

Ab'akakiiko aka Inter Religious Council eriizooba barambura purogyekiti z'amajuta omuri Buliisa...(Photo by Ambrose Niwagaba Katoto)

Dr. Pr. Joseph Sserwadda, orikukurira amakanisa ag’abaikiriza omu eihanga yaagira ngu eki bazoora omu rutaayaayo oru, tihaine amajuta agatimbirwe kuruga okuzumu n’obu amahurire garikugira ngu okutimba amajuta okuzimu kwatandikire.

Seth Muhumuza, orikukora n’ekitongore ekya Petroleum Authority of Uganda yahaamiza abanya Uganda ngu omurimo gwatandikire obwo ngu batungire obucweka 88 ahari 100 bw’eitaka erirakoresibwe ekitongore ekya EACOP kandi batungire obucweka 97 ahari 100 obw’eitaka erya Tilenga n’obucweka 100 ahari 100 obwa Kingfisher.

Ogu naagira ngu batandikire okutimba amaziba 13 ahi baraabe nibakiriramu amajuta agataboneize okuzimu barikwirira enyanja ya Albert.

Uganda neteekateeka okutimba amajuta gayo g’okubanza omugwa 2025.

#WestUpdates