Okwombeka eirundaniro ry'amajuta omu purogyekiti ya Tilenga kutandikire..(Photo by Peter Abaanabasazi)

Okwombeko eirundaniro ry’amajuta ga Tilenga kutandikire

N’ebya Peter Abaanabasazi

BULIISA:

Omurimo gw’okwombeka eirundaniro ry’amajuta ga purogyekiti ya Tilenga omu disiturikiti ya Buliisa gutandikire.

Omwanya ogurikuza okurundanirwamu amajuta agatagyegyeine okuruga omu birombe by’amajuta ebiri omu disiturikiti ya Buliisa na Nwoya ahabwa purogyekiti ya Tilenga batandakire okugwombeka.

Amajuta agatagyegyeine aga Nwoya nigaza okutambuzibwa okurabira omu nshekye eziragahisya omu eirundaniro rimwe n’agari omuri Buliisa.

Omwe ahabakozi abariyo nibombeka eirundaniro ry'amajuta omu purogyekiti ya Tilenga..(Photo by Peter Abaanabasazi)

Ebi bigambirwe nyomwabazyo obu mukuru w’ekitongore ekya Petroleum Authority, Ernest Rubondo abaire narambuza Minisita w’eihanga ow’eby’obugaiga bw’omwitaka, Peter Lokeris emirimo erikukorwa omu purogyekiti ya Tilenga.

Aba nibagira ngu eki nikimanyisa ngu Uganda eriyo neyirira haihi n’okwiha amajuta gaayo okuzimu, ekintu ekirikuza kutaahiza eihanga sente.

Omurimo gw’okwombeka eirundaniro ry’amajuta eri nigwija kuhwa 2024.

Uganda neteekateeka okutandika okushohoza amajuta agatagyegyeine omugwa 2025.

#WestUpdates