Abeegi 2 bafeera omuri butandu omuri Kaberamaido.

N’ebya Tolbert Edait na Harbert Eyoku

KABERAMAIDO
 
Abeegi 2 bahamibwa kuba baafa bwanyima y’okutunga butandu y’ahanguuto omuri Awoja aharuguuto orwa Soroti-Mbale. Abandi abeegi 2 bakiri kubi munonga.

Abagyenzi bamanywa nka; Alwedo Suzan na Eringu Peter bombi abari abeegi ba S.4 ah’eishomero erya Midland High School omu disiturikiti eya Kaberamaido.

Amakuru kuruga ah’eirwariro erihango erya Soroti Regional Referral Hospital nigoreka ngu abeegi 24 hamwe na Dayirekita w’eishomero eri baatunga obuhuta kandi bariyo nibaragurirwa. Abeegi babiri aha batunga butandu bari oxygen kandi bari omu mbeera mbi munonga.

Butandu egi yabaho shaaha 9 z’ekiro ah’eishomero erya Awoja primary school bwanyima ya baasi y’eishomero kutomera ekimotoka ekyaba kyemeriire ahanguuto eya Soroti kuza Mbale.

Omubaro gw’abeegi abaaba nibatamburira omu baasi egi tugukamanyirwe.

Ahitwaza kuhandiikira amakuru aga, Pooriisi yaaba etakashohoize ekihandiiko kyona kirikukwata ahari butandu egi.

#WestUpdates