Mukuru w’eishomero eri, John Bosco Ekou naagira ngu baikiriize kushagika amaka 2 aga Peter Eringu na Susan Alwedo, abeegi abagwire omuri butandu.

N’ebya Omushaki weitu

KABERAMAIDO

Eishomero omu disiturikiti eya Kaberamaido ryemeriize emirimo yaryo kubaasa kwinamira abeegi 2 abagwire omuri butandu.

Bakuru b’eishomero erya Midland High School omu disiturikiti eya Kaberamaido bemeriize puroguraamu zoona ez’ishomero kubaasa kwikiriza abarikukwatwaho, abeegi n’abanyabuzaare kwinamira abeegi 2 abagwire omuri butandu obu babaire nibaza aha kurambura okw’okushoma.

Mukuru w’eishomero eri, John Bosco Ekou naagira ngu baikiriize kushagika amaka 2 aga Peter Eringu na Susan Alwedo, abeegi abagwire omuri butandu.

Omwegi wa S.4 ofeeriireho aharwakana haihi n’eishomero erya Awoja primary school aharuguuto orwa Soroti-Mbale omu disiturikiti eya Soroti obu babaire nibatamburira omu bus ya Busitema university kuza aha kurambura kw’okushoma omuri Jinja.

Aharwakana omu eihangwe, emitumbi etwirwe ah’eishomero omu tauni ya Kaberamaido kubaasa kubashabira kandi abeegi n’abatuura b’omu kicweka ekyo baikiriziibwe kubasigaho eriisho rw’ahamuheeru na bwanyima emitumbi yaabo yatwarwa omu maka gaabo aharwakataano.

Abagyenzi hamwe n’abatungire obuhuta ni bamwe aha beegi ababaire bari omu motoka ezibaire nizitwara abeegi ba S.4 aha kurambura omu disiturikiti eya Jinja.

Ekou naagira ngu Peter Eringu yaziikwa eriizooba Sande ebiro 01/10/2023 omu kyaro ekya Ameje omu gomborora eya Kaberamaido kandi we Susan Alwedo naija kuziikwa nyencakare Orw’okubanza ebiro 02/10/2023 omu kyaro ekya Alau omu gomborora eya Ochero omu disiturikiti eya Kaberamaido.

#WestUpdates