Akaruuru ka Kisoro: Museveni yayeeta abarikwenda kukwata ebendera ya NRM

N’ebya Job Namanya Apuuli

Kisoro:

Purezidenti Yoweri Kaguta Museveni, Chairperson w’ekibiina ekya NRM omu eihanga yayeeta abantu 13 abarikwenda kukwata ebendera y’ekibiina omu karuuru k’okugarukwamu ak’omuny’eishengyerokazi wa Kisoro.

Abayeetwa harimu Akifeza Grace Ngabirano, Sylvia Dushime, Igiraneze Winfred Faith, Jemimah Irankunda, Rose Kabagyeni, Blessed Kitentera, Irene Mahirwe, Hellen Mbonye, Nirere Fancy Brenda, Niyikiza Louise, Allen Nkurikiye, Aphia Nyiramahoro, na Eva Twireze. 

Okugarukamu akaruuru aka nikwijaho bwanyima y’okufa kw’omuny’eishengyerokazi kandi obaire ari Minisita w’eihanga ow’enshonga z’amahe, Sarah Nyirabashitsi Mateke omukwamwenda.
 
John Kigyagi Arimpa, Omuhwezi wa chairperson w’akakiiko k’eby’oburuuru naagira ngu okuronda akaruuru kwayemerezibwamu ahabw’okuba abarikwenda kwatsimba n’ab’okuza omuri Kampala eriizooba kukyebeza COVID19 kweteebeekanisiza okubuganaho Purezidenti Museveni aha Sunday.

N’obu Kigyagi atagamba ahakigyendererwa ky’orukiiko oru, hoona yaagira ngu abantu 13 aba bari aha tiketi ya NRM kandi baine okuhaburwa ahangyenderwaho omu kuronda akaruuru. 

#WestUpdate