Lt.Gen Muhanga ataabaarukize abaserukare aba ahabw’okuhendera gye course egi n’okworeka emicwe mirungi omu bwire obu bamazire barikutendekwa. Photos by Abdulkarim Ssengendo.

N’ebya Abdulkarim Ssengendo

IBANDA

Ekitongore ky’amahe ga UPDF kishohoize ba komando b’amahe  165 abatwire aha kutendekwa kw’ameezi 3 ah’eitendekyero ry’amahe omuri Bihanga omu disiturikiti eya Ibanda.

Abaserukare 165 ba UPDF bashohoziibwe omuri Ibanda.

Ba komando 5 ahari aba babaire nibaruga omu eihanga erya Burkina Faso.

Lt.Gen.Kayanja Muhanga, omuduumizi w’amahe g’ah’eitaka niwe abaire akuriire omukoro gw’okushohoza ba komando aba. Omukoro ogu guhikirweho abakuru kuruga omu matendekyero g’amahe ga UPDF, Pooriisi, ebihome n’abeebembezi kuruga omuri za disiturikiti eya Kazo na Ibanda.

Brig.Gen. Godfrey Golooba, omuduumuzi w’eitendekyero ry’amahe erya Infantry School Bihanga agizire ngu ba komando aba bakatandika kutendekwa ahabiro 04.06.2024 kandi aba boona bahikire ‘course’ egi.

Naagira ngu aba batendekirwe obukoryo obu bakubaasa kukoresa kurwanisa obwimukyero bwaheza kubarukaho omu kampuni zaabo. 

Abaserukare 165 ba UPDF bashohoziibwe omuri Bihanga, Ibanda.

Ayongiireho ngu nabwo batendekirwe aha micwe n’emitwarize omu mahe.

Lt.Gen Muhanga ataabaarukize ba komando aba ahabw’okuhendera gye course egi n’okworeka emicwe mirungi omu bwire obu bamazire barikutendekwa.

Muhanga asiimire ba komando kuruga omuri Burkina Faso ahabw’okwehayo kwabo kandi amanyiise abantu abahikire aha mukoro ogu ngu Uganda na Burkina Faso batwire baine enkwatanisa nungi n’amahe g’amahanga aga gombi.

Ashabire ba komando aba okworobera bakama baabo baaba nibenda kukoragye omurimo gwabo.

#WestUpdates