Omwishiki w’emyaka 16 yashangwa afeereire omurugo rw’akatare k’ente - Ibanda

Omwishiki w’emyaka 16 yashangwa afeereire omurugo rw’akatare k’ente - Ibanda

N’ebya Timothy Mushabe

Pooriisi omuri Ibanda yatandika okucondooza ahamwishiki w’emyaka 16 kuruga ahakyaro ekya Kanyarugiri omu tauni kanso eya Kanyarugiri owashangwa afeereire omurugo orubakugurizamu ente omukatare aka Kanyarugiri.

Omwishiki ogu yamanywa nka Lillian Kukunda kandi abaire nashomera P.7 ahari Bihanga Army purayimare erikushangwa omu kichweka nikyo kimwe.

Omuzaire w’omugyenzi Rosemary Kemitarizo naagira ngu aheererukire okureeba omuhara eizooba erya nyomwabazyo beitu babandize batungamu obutikirizana bwanyima y’omugyenzi kwiha sente ze ezirikwingana omutwaro gumwe ahasimu.

Kansara orikujwekyera tauni kanso egi aha disiturikiti eya Ibanda, Nelson Mutungi we naagira ngu omwishiki ogu nawe amuheererukire nyomwabazyo kandi arikumugaanirira, amushabire okumuha ekihandiiko ky’okumwendeza obuhanguzi bw’ebigyezo by’ekyamushanju byaba byahikire.

Pooriisi eyaba eyeebembeirwe omuhwezi wa CID, Afande Nelson Tumwine bwanyima y’okukyebera omutumbi gw’omwishiki ogu yaagutwara omu eirwariro erya Ruhoko HCIV okwongerwa kukyeberwa.

#WestUpdates