Shyaka Mbanda atambwire kiromita 310 omuhururu y’okurundaana sente z’okuhunduura Ishekye Unit for the Handicapped, mukuru w'eishomero na mugyenzi waabo eriizooba PHOTO: SSENGENDO ABDULKARIM

N’ebya Ssengendo Abdulkarim

Abany’ishengyero baashaba Gavumenti kuta sente nyingi omu mashomero agarikwegyesa abaana abaine oburema aha mibiri yaabo. 

Bamwe ahabeegi abaine oburema ahamibiri yaabo. PHOTO: SSENGENDO ABDULKARIM bari ahakutongozaho okuhunduuza eishomero rya Ishekye Unit of the Handicapped omuri Sheema eriizooba ebiro 30.11.2024

Abany’ishengyero aba nibagira ngu amashomero maingi agarikushomesa abaana aba abaine oburema aha mibiri yaabo gari omu mbeera  etarikwebaasa kuheereza abaana aba buri kimwe ekirikwetaagisa

Ba MP aba, abaaba barimu omuny’ishengyero wa Munisiparite ya Sheema, Dickson Kateshumbwa, hamwe na Laura Kanushu, omuny’ishengyero omukyara orikukujwekyera abantu abaine oburema.

Bamwe omubakuru kuruga omu Akright City Rotary Uganda barikurambura ekyombeko ekyahunduuziibwe ahari Ishekye Unit of the Handicapped Primary School. PHOTO: SSENGENDO ABDULKARIM

Aba baahayo okushaba oku aha mukoro gw’okwiguraho ekyombeko ky’ebibiina 5 ah’ishomero rya Ishekye Unit for the Handicapped Primary School omu disiturikiti ya Sheema.

Ekyombeko eki kikahunduuzibwa sente okuruga omuri ba memba ba Rotary Club of Akright City.

Abeejumbire omuhururu y'okuhunduuza eishomero rya Ishekye Unit of the Handicapped eshagikirwe aba Akright City Rotary Uganda eriizooba omuri Sheema. PHOTO: ABDULKARIM SSENGENDO

Abakuru kuruga omu Rotary Club of Akright City nibagira ngu  bakacwamu kuhwera eishomero eri bwanyima y’okushanga ngu rikaba riine ebizibu bingi ebirimu ebyombeko ebyabeire birihakye kugwera abeegi.

Hona aha mukoro nigwo gumwe, baatongoza okukora embuga y’eishomero eri, nayo hati erikuteganisa okwega kw’abaana abaine oburema aha mibiri yaabo.

Mukuru w’eishomero eri yasiima aba Rotary Club of Akright City ahabw’obuhwezi obu obubabahiire beitu hoona yayongyera yaagira ngu eishomero eri rikiine ebizibu bingi ebirimu okuburwa amaizi.

Kateshumbwa yaakoresa omugisha ogu kushaba abazaire abaine abaana abaine oburema ahamibiri yaabo  obutabanagirira agumize ngu babatware omu mashomero