Luke Owoyesigyire, Omuhwezi w'omugambirizi wa pooriisi eya Kampala n'emyanya egyetoreire

Pooriisi ecungwire abaishiki 130 ababaire babuziibweho

N’ebya Jeff Andrew

Pooriisi omuri Kampala n’emyanya egyetoreire ecungwire abaishiki 130 ababaire babuziibweho kandi bakwateirwe omuri Akright omu divijooni ya Bunamwaya omu disiturikiti ya Wakiso aharwakataano, 28/7/2023.

Omuhwezi w’omugambirizi wa pooriisi eya Kampala, Luke Owoyesigyire naagira ngu pooriisi ecungwire abaishiki aba bwanyima y’omwe aharibo kutoroka nikwo kubamanyisa.

Nikigambwa ngu abaishiki aba bakabuzibwaho kandi babaire baherize okwezi bakwatsirwe.

Aba bakazibirwa okugamba n’abantu aheeru, okushohora kandi n’esimu zaabo bakazibaihaho.

Ebi byagambwa eriizooba omu rukiiko rw’ab’eby’okwerinda n’abanyamakuru aha kitebe kikuru kya pooriisi omuri Naguru.

Owoyesigyire yaagira ngu bariyo nibacondooza omu nshonga egi n’ebitongore ebindi eby’okwerinda.

Obwa hati bakwatsire abantu babiri aharimu Rashidah Namubiru na Ramathan Hakim kuhwera omu kucondooza kwabo.

Nikigambwa ngu abaishiki aba babaire bariyo nibatendekwa okuza kutunga emirimo aheeru y’eihanga.

#WestUpdates