Toyota Hillet eyatomera

Babiri baafeera omuri butandu aharwa Kampala – Masaka

N’ebya Simon Ssekidde

Abantu babiri baafeeraho kandi abandi babiri bahutara omu butandu eyaba ahanguuto ya Kampala-Masaka omu disiturikiti ya Mpigi akasheeshe aka.

Butandu egi eyaaba ahamwanya ogurikumanywa nka Mpanga, yaaba ahagati y’emotoka ibiri ezihandiikirwe omu namba UBL 045K, Toyota Hillet na Alphard namba UBE 778Z.

Lydia Tumushabe, Omugambirizi wa pooriisi ey’ekyanga ekya Katonga yaagira ngu butandu egi yabaho nk’ahari shaaha 1 z’akasheeshe.

Nikigambwa ngu emotoka eya Toyota Hillet, eyaaba nevuga aha sipiidi yagyezaho kuraaba aha Sino truck eyaaba eyekoreire omushenyi nikwo kutomerana na Alphard eyaaba nereetwa orubaju orwa Kampala.

Abaafa harimu Brian Ndugwa, 25, omutuura wa Kabonera omuri Masaka kandi ondiijo tiyamanywa eiziina, bombi abaaba barimu omu Toyota Hillet.

Abahutara bamanywa nka Prossy Ainembabazi, 25, omutuura wa Kampala na Patrick, 43, abaaba bari omu Alphard.

Ababiri aba batwarwa ah’eirwariro erya Double Cure Hospital omu tauni ya Mpigi kuragurirwa.

#WestUpdates